Tweet
...MAKEDONSKO. Ime istorisko, biblisko i pravedno nasledeno i prenesuvano od koleno na koleno od pamtivek do den deneshen.
----------
Утрински Весник - Број 2829 среда, 05 ноември 2008
Резолуцијата усвоена, поделбите останаа
Македонскиот парламент со огромно мнозинство ја усвои Резолуцијата за утврдување државна стратегија за решавање на спорот за името, но документот зад кој застанаа 93 пратеници од власта и од опозицијата (единствено Павле Трајанов беше против) не го постигна посакуваното единство во државниот врв.
Напротив, собраниската дебата за името уште повеќе го покажа длабокиот јаз меѓу двајцата клучни политичари, шефот на државата Бранко Црвенковски и премиерот Никола Груевски. Па на крајот на бурниот собраниски ден завчеравечер вест број еден не беше изгласувањето на Резолуцијата, туку разрешувањето на Никола Димитров од позицијата преговарач во грчко-македонскиот спор, одлука која Црвенковски ја соопшти од собраниската говорница.
Информацијата одекна како вистинска бомба и ги шокира сите во салата, вклучувајќи го и премиерот. Не можејќи да го скрие изненадувањето, Груевски се сврте кон министерот за надворешни работи, Антонио Милошоски, и нешто прокоментира. Фрапирани беа и пратениците, особено оние од владејачката ВМРО-ДПМНЕ, кои гледаа кон премиерот со погледи полни со прашалници.
Веста го затече и Мартин Протоѓер, кој заедно со новинарите ја следеше седницата од собраниската галерија и зачудено почна веднаш да врти со мобилниот телефон. Советниците на претседателот Црвенковски, кои беа на другата страна на галеријата, внимателно ги следеа реакциите на тоа што го кажа нивниот шеф.
Во финишот на дебатата, најнапред претседателот, а потоа и премиерот ги соопштија ставовите за преговорите за името. Црвенковски верува дека може да се дојде до решение со кое би се зачувале идентитетот и јазикот, а двојната формула излегува од игра, бидејќи, според него, не е позиција за компромис, туку за прекинување или замрзнување на процесот.
„На Македонија и' е потребна нова стратегија во однос на претходната со која ја извојувавме битката за признавање на уставното име од над 120 држави. Ситуацијата по Букурешт говори дека Привремената спогодба е во сила, а двојната формула не е веќе решението за компромис. Ако го добиеме идентитетот македонски за јазикот и нацијата, можно е решавање на спорот и влез во НАТО и во ЕУ. Друга алтернатива нема.
Основната разлика меѓу мене и премиерот Груевски не е во пристапот и целите во преговорите за надминување на спорот со Грција, туку во степенот на важност и приоритет што му ги даваме на интегрирањето во ЕУ и во НАТО. Јас тврдам дека за иднината на Македонија нема ниту, пак, може да има сериозна алтернатива на евроатлантското интегрирање на РМ. Премиерот тврди дека Владата има алтернативен концепт за иднината во случај земјата да биде блокирана во подолг временски период. Секоја одлука за ова прашање на крајот мора да ја донесе Собранието, ако станува збор и за одлука за распишување референдум. Јас овој проблем без согласност на премиерот Груевски не можам да го решам, тој може. Со цел да се прекине оваа несериозна ситуација што веќе се користи и од грчка страна како аргумент против нас, за постоење на двајца преговарачи, на два става, на одвоени средби, на посебни консултации, сакам да ве информирам дека донесов одлука да му престане мандатот за наш претставник во преговорите на амбасадорот Никола Димитров. Согласен сум од наредниот период таа улога да ја има господинот Мартин Протоѓер, исто како што сум подготвен да разгледам и евентуално друго кадровско решение предложено од страна на премиерот Груевски“, соопшти Црвенковски.
Премиерот Груевски во своето обраќање направи една ретроспектива на настаните поврзани со името, осврнувајќи се на потезите кои се влечени и притоа цело време го користеше терминот „таканаречениот државен врв“. Тој потенцира дека по Букурешт, Грција ја радикализирала позицијата и дека единствениот и последен компромис за нив е нашето уставно име да биде само за наша домашна употреба.
„На Грција не и' паѓа на памет да попушти за идентитетот, кој нејзе и' е важен исто колку и нам. Некој од политичарите јавно се произнесува дека треба да попуштиме, да го свиткаме ’рбетот, дека тие што не попуштаат не се за НАТО и не се за ЕУ и земјата ја водат во изолација, а кога тие би дошле на власт, брзо би го решиле проблемот со поголемо попуштање. Истите тие политичари кои 13 години тврдеа дека двојната формула е максималниот компромис за нас, сега не' обвинуваат за изолација и за бескомпромисност. Истите тие, сега со нови итроштини, кои се сведуваат на целосно рушење на преговарачките позиции на државата, водени од желбата да се вратат на власт, најавуваат дека тие би го решиле проблемот. Истите политичари кои 14 години не го решија овој проблем, иако беа на власт, сега јавно говорат дека одговорноста е само кај Никола Груевски. Не смееме да се делиме дека едните сме повеќе за името и идентитетот, а другите сме повеќе за НАТО и за ЕУ. Треба сите да сме и за едното и за другото. И треба сите да се откажеме од градење политички капитал и ловење гласови на ова, моментно, највисоко стратегиско прашање“, рече Груевски. Тој додаде дека останува на ставот дека за конечниот предлог што би бил прифатлив и за Атина ќе одлучат граѓаните на референдум.
По настапот на премиерот, Собранието ја изгласа резолуцијата со која се бара во најкус можен рок да се изгради државна стратегија за името што треба да ги рефлектира единствените ставови на политичките субјекти инволвирани во преговарачкиот процес. Со државната стратегија е неопходно да се заштитат највисоките државни и национални интереси и да се зачува идентитетот на македонскиот народ, јазик, историја, култура и постоењето на македонското национално малцинство во Грција и да се афирмира позицијата на Македонија како суверена и самостојна држава. При утврдувањето на стратегијата, задолжително да се имаат предвид ставовите, предлозите и мислењата на политичките партии застапени во Собранието.
Во изготвувањето на државната стратегија да се консултираат експертската јавност и невладините организации кои се занимаваат со меѓународна политика. Да се засилат дипломатските активности на надлежните политички субјекти во земјата и во странство, при што да се афирмираат виталните интереси и стратегиските цели на Македонија и да се укажува на потребата од почитување на темелните документи на Обединетите нации и на меѓународното право.
Инаку, ВМРО-ДПМНЕ во последен момент се повлече од предлогот – во Резолуцијата да биде вметнат и референдумот, што опозицијата не го прифати поради тоа што бараше, ако се оди на граѓанско изјаснување, референдумското прашање да биде формулирано со консензус меѓу релевантните партии.
-------------------
Утрински Весник - Број 2649 сабота, 29 март 2008
Викендов трескавично ќе се усогласуваат ставовите за пакетот на Нимиц
Различни ставови на претседателот и на премиерот. Груевски бара собраниско изјаснување за референдум
Соња Крамарска
Жаклина Хаџи-Зафирова
Од државниот врв вчера пристигнаа две спротивставени изјави околу најновиот предлог на медијаторот Метју Нимиц. Најпрвин, министерот за надворешни работи, Антонио Милошоски,изјави дека предлогот е конечен и дека за него в понеделник ќе расправа и парламентот, за неколку часа подоцна работите да се усложнат откако Груевски рече дека постојат сериозни разлики и дека тешко ќе дојде до усогласување. Во попладневните часови настана вистинска трка на претседателскиот и на премиерскиот кабинет за брифирање на новинарите, откако во преден план изби прашањето за референдум за изјаснување за предлогот на Нимиц.
Државниот врв, најпрвин, по серијата средби и консултации, заклучи дека последниот предлог за надминување на разликите со Грција е конечен и оти дефинитивниот став за него ќе биде изграден на седница на парламентот в понеделник.
„Државниот врв ги информира лидерите на политичките партии за предлогот на Нимиц и има два заеднички заклучока. Првиот е дека по 15 години преговори предлогот го сметаме за конечен, а вториот дека процесот на градење став продолжува, и согласно со Уставот и законите ќе резултира со собраниска расправа в понеделник“, изјави шефот на македонската дипломатија, Антонио Милошоски, по средбата на државниот врв со лидерите на најголемите политички партии.
„Сметаме дека предлогот што го имаме на маса е конечен“, одговори Милошоски на новинарско прашање дали Нимиц викендов доаѓа во Скопје со нови предлози. За одбивањето на грчката министерка за надворешни работи, Дора Бакојани, да се сретне со него на Министерскиот состанок на ЕУ во Словенија, Милошоски рече: „Ние сме расположени за средба. Секој што смета дека треба да продолжиме со дијалог, очекуваме да биде подготвен за средба исто така“.
На состанокот учествуваа претседателот Бранко Црвенковски, премиерот и лидер на ВМРО-ДПМНЕ, Никола Груевски, и претседателите на СДСМ, Радмила Шекеринска, на ДПА, Мендух Тачи, и на ДУИ, Али Ахмети, како и министерот Милошоски и македонскиот преговарач за името Никола Димитров. Државниот врв за предлогот на Нимиц се консултираше и со другите парламентарни партии.
Но, набргу потоа Груевски повторно ја афирмираше неговата идеја за референдум. „Ова ќе биде исклучително долг викенд, за нас оваа сабота и недела ќе бидат како цела недела. Ќе продолжат консултациите, но и притисоците од Грција“, рече Груевски. На прашањето дали може да се очекува нов предлог од Нимиц, Груевски одговори дека не е исклучена таква можност. „Ако некој каже дека референдумот е пречка за НАТО, ќе се оди на гласање во Собранието за референдум“, изјави Груевски. Тој рече и дека меѓу политичките партии има разлики во ставовите.
Тогаш се огласи и кабинетот на шефот на државата, Црвенковски. Извори од кабинетот на Црвенковски рекоа дека предлогот, генерално, се оценува како позитивен, но дека се' уште не е изграден став за него. Не се знае ниту кој ќе го презентира во Собранието на седницата в понеделник.
„Собранието треба да ги овласти претседателот или премиерот со каква позиција да настапат во Букурешт, дали да се прифати покана за НАТО со такво име за меѓународна употреба. Груевски и Црвенковски се согласни за референдум, но ако референдумот е пречка за прием во НАТО, Црвенковски ќе се повлече од ставот за негово одржување“, изјавија изворите.
Од кај Груевски, пак, на тоа се надоврзаа дека „тешко оди усогласувањето меѓу четирите партии и дека е присутна напната атмосфера“. „Тешко е да се надеваме на усогласен став, бидејќи има сериозни проблеми и разлики меѓу партиите“, рекоа од неговиот кабинет. Камен на сопнување, како што тврдат од таборот на премиерот Груевски, е референдумот што го бара Груевски. Според нив, Црвенковски рекол дека за референдум треба да се послушаат сугестиите на странските дипломати. „Станува збор за принципиелна разлика дали за името треба да одлучат граѓаните на Македонија или странците“, контрираа од кабинетот на Груевски.
МАНУ вчера издаде соопштение со став дека „последниот предлог на Нимиц во основа е прифатлив“. Според оцената на МАНУ, предлогот претставува прифатлива основа за постигнување согласност со Грција затоа што го поддржува уставното име на земјава и ја афирмира македонската национална самобитност.
„Предлогот не ја преминува граничната точка од којашто не може да отстапи македонската преговарачка позиција“, додаваат македонските академици, нагласувајќи дека Македонија треба да ги продолжи преговорите со Грција пред самитот на НАТО. „Претседателството цени дека надлежните органи треба колку што е можно побрзо да ги усогласат ставовите на нашата преговарачка страна и со нив да го запознаат медијаторот на овие преговори, господинот Нимиц“, се вели во соопштението.
Евроамбасадорот во Македонија, Ерван Фуере, вчера изјави дека „има надеж дека ќе се најде решение за името“. „Не е до мене да судам, бидејќи ние не сме вклучени во тој процес. Но, морам да повторам дека ги охрабруваме напорите на Владата да остане вклучена во овој процес што го води медијаторот Нимиц“, рече Фуере.
Метју Нимиц на последната рунда македонско-грчки преговори, што се одржа во вторникот во седиштето на Обединетите нации во Њујорк, понуди ново предлог- име со географска одредница. Според информациите што ги објавија медиумите и во двете земји, станува збор за името „Република Македонија (Скопје)“.
Новиот предлог на Нимиц предвидува името што би било прифатено, во англиска транскрипција да се користи за меѓународна комуникација, а уставното за внатрешна употреба. На земјите што го признале уставното име на Република Македонија им се сугерира, но без задолжение, да го користат новиот назив. Придавката „македонски“ без ограничувања ќе можат да ја употребуваат и Македонија и Грција.
-------------
Шеќеринска коментира на најавата на Груевски за референдум за името
Од Борјан Јовановски | Скопје, 6-ти мај 2008 Вторник, 06 мај 2008
Претседателката на опозициониот СДСМ вчера му реплицираше на својот политички ривал – премиерот Никола Груевски за неговата изјава дека треба да се организира референдум за името.
Шеќеринска ваквата позиција на Груевски во врска со името ја оцени како бегање од одговорност и вовлекување на земјата во изолација. Таа го критикуваше Груевски за меѓународната позиција на Македонија.
- Груевски во Букурешт замина со променето име и кажа „да“ на променетото име, а се врати и без покана за членство во НАТО. Сега за да ја покрие својата грешка, за да не зборуваме за тоа, тој ни зборува за референдум, заради тоа што калкулираше партиски, политички, приватно, затоа сега референдумот го извади на маса. Прашањето е што досега договорил Груевски, изјави Шеќеринска.
И покрај ваквиот став на Шеќеринска, таа, сепак децидно не одговори дали ќе го поддржи евентуалното одржување на референдум, најавувајќи дека СДСМ деновиве сериозно ќе го разгледа ова прашање.
-----------
ДРЖАВНИОТ ВРВ УСОГЛАСИ СТАВ ЗА ПРЕДЛОГОТ НА НИМИЦ, В ПОНЕДЕЛНИК ЌЕ РАСПРАВА ПАРЛАМЕНТОТ
Република Македонија (Скопје) - конечен одговор
Државниот врв за конечен го смета предлогот Република Македонија (Скопје) за меѓународна употреба, напишано на латиница, а за дома уставното име, напишано на кирилско писмо, и за него може да расправаат пратениците
Премиерот Никола Груевски, претседателот Бранко Црвенковски и лидерите на СДСМ Радмила Шеќеринска, на ДУИ Али Ахмети и на ДПА Мендух Тачи, вчера, по дво и полчасовни консултации, заклучија дека најновиот предлог на посредникот во македонско-грчките разговори за името Метју Нимиц е конечен и дека в понеделник за не го ќе расправа Собранието.
"Државниот врв ги информираше лидерите на политичките партии за предлогот на Нимиц и има два заеднички заклучока. Првиот, дека по 15 години преговори предлогот го сметаме за конечен, а вториот дека процесот на градење став продолжува и, согласно Уставот и законите, ќе резултира со собраниска расправа в понеделник", изјави министерот за надворешни работи Антонио Милошоски.
Покрај Милошоски, на средбата присуствуваше и македонскиот преговарач за решавање на спорот со името Никола Димитров.
На новинарско прашање дали Нимиц викендов доаѓа во Скопје со нови предлози, Милошоски одговори дека државниот врв овој предлог го смета за конечен.
Последниот предлог кој Нимиц го стави на маса во вторникот во Њујорк беше Република Македонија (Скопје) за меѓународна употреба, напишано на латиница. За дома, според овој предлог, останува уставното име, напишано на кирилско писмо. На земјите кои го признале уставното име на Република Македонија би им се сугерирало, но без задолжение, да го користат новото. Придавката македонски без ограничувања ќе можат да ја употребуваат и двете земји.
Државниот врв вчера попладне продолжи да се консултира и со претставниците на помалите парламентарни партии. (С. К. Д.)
**
МАНУ: Предлогот во основа прифатлив
Претседателството на МАНУ, во проширен состав со поранешните претседатели на МАНУ, го поддржа последниот предлог на медијаторот Метју Нимиц за името.
"Предлогот претставува прифатлива основа за постигнување согласност со Република Грција затоа што го поддржува уставното име на Република Македонија и ја афирмира македонската национална самобитност", се вели во соопштението на МАНУ. Академиците тврдат дека предлогот е компромис на македонската страна, но истовремено не ја преминува црвената линија. "Прифаќањето на овој Предлог не налага промени на Уставот на Република Македонија за уставното име на државата и на македонскиот национален идентитет", смета МАНУ.
Според нив, важно е што е предвидено слободно и неексклузивно користење на атрибутот "македонски", во национална, етничка, јазична, културна и друга смисла. Новопредложеното меѓународно име "Република Македонија (Скопје)", за меѓународна службена употреба, не е негација на уставното име", тврдат академиците.
"Со прифаќање на ова меѓународно име, ќе се надмине апсурдноста на досегашната привремена референца (ПЈРМ). Отфрлањето на овој предлог може да има крајно негативни консеквенции за Македонија", велат тие. Во МАНУ се зажгрижени дека земјата нема да може да ја користи самостојно скратено име Македонија, но сугерираат македонија да ги предолжи преговиоте до Самитот на НАТо во Букурешт. "Надлежните органи треба што побрзо да ги усогласат ставовите на нашата преговарачка страна и со нив да го запознаат медијаторот на овие преговори", препорачуваат академиците. Н.С.
***
САД: Македонија и Грција да најдат прифатливо решение
Официјален Вашингтон завчера повторно ги повика Македонија и Грција да го искористат напорниот ангажман на медијаторот Метју Нимиц и да постигнат заемно прифатливо решение за името.
"Медијаторот Нимиц работеше напорно на предлогот којшто требаше да им го достави на двете страни. Тој има добра волја и ние се надеваме дека двете страни ќе соработуваат со него со добра волја за изнаоѓање решение за ова тешко, емоционално прашање", изјави портпаролот на Стејт департментот Шон Мек Кормак, на редовна прес - конференција во четвртокот во Вашингтон.
Одговарајќи на прашање дали има американска иницијатива како да се реши прашањето, портпаролот Мек Кормак посочи дека ангажманот на потсекретарот Даниел Фрид и на амбасадорката во НАТО Викторија Нуланд е обид да се придвижи процесот напред. "Но, ова е процес воден од медијаторот Нимиц и ние целосно ги поддржуваме неговите напори", рече Мек Кормак.
------------------
Атина разочарана од најновиот предлог
Министерката Дора Бакојани изјави дека предлогот на Метју Нимиц е далеку од целите на Грција
Атина - „Република Македонија (Скопје)“ е името што медијаторот Метју Нимиц го предложил на вчерашната рунда македонско-грчки преговори во седиштето на ОН во Њујорк, објавија вчера медиумите во Грција
„Предлогот на Нимиц е конечен, а кум се САД. Нимиц јасно им кажал на двете страни дека „крштавањето“ треба да се случи пред самитот на НАТО во Букурешт, пишува „Та неа“.
Но, според министерка за надворешни работи, Дора Бакојани, новиот предлог на Метју Нимиц е далеку од целите на Грција. Шефицата на грчката дипломатија ја даде изјавата по седница на владина комисија на која информирала за предлогот за името на Македонија од специјалниот посредник на ОН. Според неа, предлогот на Метју Нимиц не е конечен и додаде дека нема конечни решенија.
„Преговорите ќе продолжат. За новиот развој ќе го информирам претседателот на републиката и лидерите на партиите во следните 24 часа. Ако нема заемно прифатливо решение за името, Грција не може да се согласи на партнерски односи со Скопје“, изјавила Бакојани одговарајќи индиректно на прашањето за ставање вето на самитот во Букурешт.
„Првиот заклучок е дека сме далеку од заемно прифатливо решение. Напорите продолжуваат. Ние го разгледуваме тој предлог“, изјави портпаролот на грчкото МНР, Јоргос Комуцакос.
Весникот „Катимерини“, повикувајќи се на одговорот на грчката министерка за надворешни работи, Дора Бакојани, на изјавата на македонскиот премиер Никола Груевски дека грчкото вето за приемот на Македонија во НАТО ќе доведе до прекин на преговорите за името, коментира дека ваквите изјави не помагаат, туку „де факто“ предвреме ги осудуваат на неуспех залагањата за изнаоѓање решение за спорот.
„Елефтерос типос“ пишува дека новиот предлог на медијаторот Нимиц предвидува Скопје да си го задржи уставното име, но за меѓународна употреба и во контактите со Грција државата да прифати да се именува како „Република Македонија (Скопје)“.
Според грчкото Радио Скај, предлогот на посредникот на ОН предвидува името „Република Македонија (Скопје)“ да биде испишано на кирилица.
За дневниот весник „Етнос“ предлогот е „изненадувачки“ и дека тоа е „предизвик“ од страна на САД и на Нимиц со оцена дека тој оцртува нова реалност во водените преговори.
Атинскиот весник „Метро“ гледа на предложеното име како на можност за компромис, имајќи предвид дека содржи географска одредница. (МИА)
-----------
Бучковски за предлогот, Груевски бара подетална анализа
Коле Чашуле
10.10.2005
Владата и официјално соопшти - најновиот предлог на медијаторот Метју Нимиц е позитивен за Македонија и тој е добра основа за решавање на спорот со Грција.
Премиерот Бучковски изјави - дека и покрај тоа што предлогот е добар, државниот врв има одредени забелешки кои ќе му бидат испратени до нашиот амбасадор во Њујорк, кои треба да му ги пренесе на Нимиц.
„На денешната средба на релевантните политички партии од опозицијата, која беше организирана кај претседателот Бранко Црвенковски, беа презентирани аргументите на Владата, но беа сослушани и сугестиите кои ги даваа опозиционите партии“, изјави Владо Бучковски, претседател на Влада на Република Македонија.
„Забелешките кои ги дадоа опозиционите партии ќе бидат вградени во инструкциите кои ќе ги пренесе Министерството за надворешни работи“, додаде Бучковски.
Но државниот врв не успеа да обезбеди политички консензус од поголемите партии. И покрај пет часовната жестока дискусија, Црвенковски и Бучковски не можеа да го убедат лидерот на ВМРО-ДПМНЕ Груевски, да даде безусловна подршка.
За Груевски, предлогот на Нимиц имал одредени нејаснотии за кои ни самата Влада немала одговор. Тој и порача да не избрзува во соопштувањето на државниот став.
„Владата ќе направи грешка доколку избрза со одговорот, без претходно детално да направи анализа за она што ни е понудено и да изврши пошироки консултации. Навистина не знам зошто толку се брза, имајќи во предвид дека Грција веќе го одби предлогот“, рече Никола Груевски, претседател на ВМРО-ДПМНЕ.
Според него, со овој предлог Македонија прави нови отстапки, односно се напушта двојната формула и се воведува нова тројна. Така што Груевски смета, дека позитивен одговор сега во ситуација кога Грција веќе го одби предлогот, може да биде штетен.
ВМРО-Народна се согласува со владиниот став, дека во основа предлог е добар.
„Предлогот на Нимиц има поедини точки за кои треба посериозно да се продискутира“, вели Весна Јаневска, в.д. претседател на ВМРО-Народна.
Инаку, официјално никој не ја соопштува вистинската содржина на предлогот.
Според неофицијалните информации, во основа тој значи - Република Македонија за внатрешна употреба и билатерални односи со земјите кои веќе не признале под уставното име, за Грција, Република Македонија - Скопје, Republika Makedonija напишано на латиница во меѓународни институции и ОН.
)
---------------
For fair use only.
NB: Neka sluzhi ovaa niza (topic thread) povekje kako zbirka za informacii i podatoci povrzani so temata otklku za raspravii (ushte pomalku od tipot prazni i nadvor od temata!).
----------
Утрински Весник - Број 2829 среда, 05 ноември 2008
Резолуцијата усвоена, поделбите останаа
Македонскиот парламент со огромно мнозинство ја усвои Резолуцијата за утврдување државна стратегија за решавање на спорот за името, но документот зад кој застанаа 93 пратеници од власта и од опозицијата (единствено Павле Трајанов беше против) не го постигна посакуваното единство во државниот врв.
Напротив, собраниската дебата за името уште повеќе го покажа длабокиот јаз меѓу двајцата клучни политичари, шефот на државата Бранко Црвенковски и премиерот Никола Груевски. Па на крајот на бурниот собраниски ден завчеравечер вест број еден не беше изгласувањето на Резолуцијата, туку разрешувањето на Никола Димитров од позицијата преговарач во грчко-македонскиот спор, одлука која Црвенковски ја соопшти од собраниската говорница.
Информацијата одекна како вистинска бомба и ги шокира сите во салата, вклучувајќи го и премиерот. Не можејќи да го скрие изненадувањето, Груевски се сврте кон министерот за надворешни работи, Антонио Милошоски, и нешто прокоментира. Фрапирани беа и пратениците, особено оние од владејачката ВМРО-ДПМНЕ, кои гледаа кон премиерот со погледи полни со прашалници.
Веста го затече и Мартин Протоѓер, кој заедно со новинарите ја следеше седницата од собраниската галерија и зачудено почна веднаш да врти со мобилниот телефон. Советниците на претседателот Црвенковски, кои беа на другата страна на галеријата, внимателно ги следеа реакциите на тоа што го кажа нивниот шеф.
Во финишот на дебатата, најнапред претседателот, а потоа и премиерот ги соопштија ставовите за преговорите за името. Црвенковски верува дека може да се дојде до решение со кое би се зачувале идентитетот и јазикот, а двојната формула излегува од игра, бидејќи, според него, не е позиција за компромис, туку за прекинување или замрзнување на процесот.
„На Македонија и' е потребна нова стратегија во однос на претходната со која ја извојувавме битката за признавање на уставното име од над 120 држави. Ситуацијата по Букурешт говори дека Привремената спогодба е во сила, а двојната формула не е веќе решението за компромис. Ако го добиеме идентитетот македонски за јазикот и нацијата, можно е решавање на спорот и влез во НАТО и во ЕУ. Друга алтернатива нема.
Основната разлика меѓу мене и премиерот Груевски не е во пристапот и целите во преговорите за надминување на спорот со Грција, туку во степенот на важност и приоритет што му ги даваме на интегрирањето во ЕУ и во НАТО. Јас тврдам дека за иднината на Македонија нема ниту, пак, може да има сериозна алтернатива на евроатлантското интегрирање на РМ. Премиерот тврди дека Владата има алтернативен концепт за иднината во случај земјата да биде блокирана во подолг временски период. Секоја одлука за ова прашање на крајот мора да ја донесе Собранието, ако станува збор и за одлука за распишување референдум. Јас овој проблем без согласност на премиерот Груевски не можам да го решам, тој може. Со цел да се прекине оваа несериозна ситуација што веќе се користи и од грчка страна како аргумент против нас, за постоење на двајца преговарачи, на два става, на одвоени средби, на посебни консултации, сакам да ве информирам дека донесов одлука да му престане мандатот за наш претставник во преговорите на амбасадорот Никола Димитров. Согласен сум од наредниот период таа улога да ја има господинот Мартин Протоѓер, исто како што сум подготвен да разгледам и евентуално друго кадровско решение предложено од страна на премиерот Груевски“, соопшти Црвенковски.
Премиерот Груевски во своето обраќање направи една ретроспектива на настаните поврзани со името, осврнувајќи се на потезите кои се влечени и притоа цело време го користеше терминот „таканаречениот државен врв“. Тој потенцира дека по Букурешт, Грција ја радикализирала позицијата и дека единствениот и последен компромис за нив е нашето уставно име да биде само за наша домашна употреба.
„На Грција не и' паѓа на памет да попушти за идентитетот, кој нејзе и' е важен исто колку и нам. Некој од политичарите јавно се произнесува дека треба да попуштиме, да го свиткаме ’рбетот, дека тие што не попуштаат не се за НАТО и не се за ЕУ и земјата ја водат во изолација, а кога тие би дошле на власт, брзо би го решиле проблемот со поголемо попуштање. Истите тие политичари кои 13 години тврдеа дека двојната формула е максималниот компромис за нас, сега не' обвинуваат за изолација и за бескомпромисност. Истите тие, сега со нови итроштини, кои се сведуваат на целосно рушење на преговарачките позиции на државата, водени од желбата да се вратат на власт, најавуваат дека тие би го решиле проблемот. Истите политичари кои 14 години не го решија овој проблем, иако беа на власт, сега јавно говорат дека одговорноста е само кај Никола Груевски. Не смееме да се делиме дека едните сме повеќе за името и идентитетот, а другите сме повеќе за НАТО и за ЕУ. Треба сите да сме и за едното и за другото. И треба сите да се откажеме од градење политички капитал и ловење гласови на ова, моментно, највисоко стратегиско прашање“, рече Груевски. Тој додаде дека останува на ставот дека за конечниот предлог што би бил прифатлив и за Атина ќе одлучат граѓаните на референдум.
По настапот на премиерот, Собранието ја изгласа резолуцијата со која се бара во најкус можен рок да се изгради државна стратегија за името што треба да ги рефлектира единствените ставови на политичките субјекти инволвирани во преговарачкиот процес. Со државната стратегија е неопходно да се заштитат највисоките државни и национални интереси и да се зачува идентитетот на македонскиот народ, јазик, историја, култура и постоењето на македонското национално малцинство во Грција и да се афирмира позицијата на Македонија како суверена и самостојна држава. При утврдувањето на стратегијата, задолжително да се имаат предвид ставовите, предлозите и мислењата на политичките партии застапени во Собранието.
Во изготвувањето на државната стратегија да се консултираат експертската јавност и невладините организации кои се занимаваат со меѓународна политика. Да се засилат дипломатските активности на надлежните политички субјекти во земјата и во странство, при што да се афирмираат виталните интереси и стратегиските цели на Македонија и да се укажува на потребата од почитување на темелните документи на Обединетите нации и на меѓународното право.
Инаку, ВМРО-ДПМНЕ во последен момент се повлече од предлогот – во Резолуцијата да биде вметнат и референдумот, што опозицијата не го прифати поради тоа што бараше, ако се оди на граѓанско изјаснување, референдумското прашање да биде формулирано со консензус меѓу релевантните партии.
-------------------
Утрински Весник - Број 2649 сабота, 29 март 2008
Викендов трескавично ќе се усогласуваат ставовите за пакетот на Нимиц
Различни ставови на претседателот и на премиерот. Груевски бара собраниско изјаснување за референдум
Соња Крамарска
Жаклина Хаџи-Зафирова
Од државниот врв вчера пристигнаа две спротивставени изјави околу најновиот предлог на медијаторот Метју Нимиц. Најпрвин, министерот за надворешни работи, Антонио Милошоски,изјави дека предлогот е конечен и дека за него в понеделник ќе расправа и парламентот, за неколку часа подоцна работите да се усложнат откако Груевски рече дека постојат сериозни разлики и дека тешко ќе дојде до усогласување. Во попладневните часови настана вистинска трка на претседателскиот и на премиерскиот кабинет за брифирање на новинарите, откако во преден план изби прашањето за референдум за изјаснување за предлогот на Нимиц.
Државниот врв, најпрвин, по серијата средби и консултации, заклучи дека последниот предлог за надминување на разликите со Грција е конечен и оти дефинитивниот став за него ќе биде изграден на седница на парламентот в понеделник.
„Државниот врв ги информира лидерите на политичките партии за предлогот на Нимиц и има два заеднички заклучока. Првиот е дека по 15 години преговори предлогот го сметаме за конечен, а вториот дека процесот на градење став продолжува, и согласно со Уставот и законите ќе резултира со собраниска расправа в понеделник“, изјави шефот на македонската дипломатија, Антонио Милошоски, по средбата на државниот врв со лидерите на најголемите политички партии.
„Сметаме дека предлогот што го имаме на маса е конечен“, одговори Милошоски на новинарско прашање дали Нимиц викендов доаѓа во Скопје со нови предлози. За одбивањето на грчката министерка за надворешни работи, Дора Бакојани, да се сретне со него на Министерскиот состанок на ЕУ во Словенија, Милошоски рече: „Ние сме расположени за средба. Секој што смета дека треба да продолжиме со дијалог, очекуваме да биде подготвен за средба исто така“.
На состанокот учествуваа претседателот Бранко Црвенковски, премиерот и лидер на ВМРО-ДПМНЕ, Никола Груевски, и претседателите на СДСМ, Радмила Шекеринска, на ДПА, Мендух Тачи, и на ДУИ, Али Ахмети, како и министерот Милошоски и македонскиот преговарач за името Никола Димитров. Државниот врв за предлогот на Нимиц се консултираше и со другите парламентарни партии.
Но, набргу потоа Груевски повторно ја афирмираше неговата идеја за референдум. „Ова ќе биде исклучително долг викенд, за нас оваа сабота и недела ќе бидат како цела недела. Ќе продолжат консултациите, но и притисоците од Грција“, рече Груевски. На прашањето дали може да се очекува нов предлог од Нимиц, Груевски одговори дека не е исклучена таква можност. „Ако некој каже дека референдумот е пречка за НАТО, ќе се оди на гласање во Собранието за референдум“, изјави Груевски. Тој рече и дека меѓу политичките партии има разлики во ставовите.
Тогаш се огласи и кабинетот на шефот на државата, Црвенковски. Извори од кабинетот на Црвенковски рекоа дека предлогот, генерално, се оценува како позитивен, но дека се' уште не е изграден став за него. Не се знае ниту кој ќе го презентира во Собранието на седницата в понеделник.
„Собранието треба да ги овласти претседателот или премиерот со каква позиција да настапат во Букурешт, дали да се прифати покана за НАТО со такво име за меѓународна употреба. Груевски и Црвенковски се согласни за референдум, но ако референдумот е пречка за прием во НАТО, Црвенковски ќе се повлече од ставот за негово одржување“, изјавија изворите.
Од кај Груевски, пак, на тоа се надоврзаа дека „тешко оди усогласувањето меѓу четирите партии и дека е присутна напната атмосфера“. „Тешко е да се надеваме на усогласен став, бидејќи има сериозни проблеми и разлики меѓу партиите“, рекоа од неговиот кабинет. Камен на сопнување, како што тврдат од таборот на премиерот Груевски, е референдумот што го бара Груевски. Според нив, Црвенковски рекол дека за референдум треба да се послушаат сугестиите на странските дипломати. „Станува збор за принципиелна разлика дали за името треба да одлучат граѓаните на Македонија или странците“, контрираа од кабинетот на Груевски.
МАНУ вчера издаде соопштение со став дека „последниот предлог на Нимиц во основа е прифатлив“. Според оцената на МАНУ, предлогот претставува прифатлива основа за постигнување согласност со Грција затоа што го поддржува уставното име на земјава и ја афирмира македонската национална самобитност.
„Предлогот не ја преминува граничната точка од којашто не може да отстапи македонската преговарачка позиција“, додаваат македонските академици, нагласувајќи дека Македонија треба да ги продолжи преговорите со Грција пред самитот на НАТО. „Претседателството цени дека надлежните органи треба колку што е можно побрзо да ги усогласат ставовите на нашата преговарачка страна и со нив да го запознаат медијаторот на овие преговори, господинот Нимиц“, се вели во соопштението.
Евроамбасадорот во Македонија, Ерван Фуере, вчера изјави дека „има надеж дека ќе се најде решение за името“. „Не е до мене да судам, бидејќи ние не сме вклучени во тој процес. Но, морам да повторам дека ги охрабруваме напорите на Владата да остане вклучена во овој процес што го води медијаторот Нимиц“, рече Фуере.
Метју Нимиц на последната рунда македонско-грчки преговори, што се одржа во вторникот во седиштето на Обединетите нации во Њујорк, понуди ново предлог- име со географска одредница. Според информациите што ги објавија медиумите и во двете земји, станува збор за името „Република Македонија (Скопје)“.
Новиот предлог на Нимиц предвидува името што би било прифатено, во англиска транскрипција да се користи за меѓународна комуникација, а уставното за внатрешна употреба. На земјите што го признале уставното име на Република Македонија им се сугерира, но без задолжение, да го користат новиот назив. Придавката „македонски“ без ограничувања ќе можат да ја употребуваат и Македонија и Грција.
-------------
Шеќеринска коментира на најавата на Груевски за референдум за името
Од Борјан Јовановски | Скопје, 6-ти мај 2008 Вторник, 06 мај 2008
Претседателката на опозициониот СДСМ вчера му реплицираше на својот политички ривал – премиерот Никола Груевски за неговата изјава дека треба да се организира референдум за името.
Шеќеринска ваквата позиција на Груевски во врска со името ја оцени како бегање од одговорност и вовлекување на земјата во изолација. Таа го критикуваше Груевски за меѓународната позиција на Македонија.
- Груевски во Букурешт замина со променето име и кажа „да“ на променетото име, а се врати и без покана за членство во НАТО. Сега за да ја покрие својата грешка, за да не зборуваме за тоа, тој ни зборува за референдум, заради тоа што калкулираше партиски, политички, приватно, затоа сега референдумот го извади на маса. Прашањето е што досега договорил Груевски, изјави Шеќеринска.
И покрај ваквиот став на Шеќеринска, таа, сепак децидно не одговори дали ќе го поддржи евентуалното одржување на референдум, најавувајќи дека СДСМ деновиве сериозно ќе го разгледа ова прашање.
-----------
ДРЖАВНИОТ ВРВ УСОГЛАСИ СТАВ ЗА ПРЕДЛОГОТ НА НИМИЦ, В ПОНЕДЕЛНИК ЌЕ РАСПРАВА ПАРЛАМЕНТОТ
Република Македонија (Скопје) - конечен одговор
Државниот врв за конечен го смета предлогот Република Македонија (Скопје) за меѓународна употреба, напишано на латиница, а за дома уставното име, напишано на кирилско писмо, и за него може да расправаат пратениците
Премиерот Никола Груевски, претседателот Бранко Црвенковски и лидерите на СДСМ Радмила Шеќеринска, на ДУИ Али Ахмети и на ДПА Мендух Тачи, вчера, по дво и полчасовни консултации, заклучија дека најновиот предлог на посредникот во македонско-грчките разговори за името Метју Нимиц е конечен и дека в понеделник за не го ќе расправа Собранието.
"Државниот врв ги информираше лидерите на политичките партии за предлогот на Нимиц и има два заеднички заклучока. Првиот, дека по 15 години преговори предлогот го сметаме за конечен, а вториот дека процесот на градење став продолжува и, согласно Уставот и законите, ќе резултира со собраниска расправа в понеделник", изјави министерот за надворешни работи Антонио Милошоски.
Покрај Милошоски, на средбата присуствуваше и македонскиот преговарач за решавање на спорот со името Никола Димитров.
На новинарско прашање дали Нимиц викендов доаѓа во Скопје со нови предлози, Милошоски одговори дека државниот врв овој предлог го смета за конечен.
Последниот предлог кој Нимиц го стави на маса во вторникот во Њујорк беше Република Македонија (Скопје) за меѓународна употреба, напишано на латиница. За дома, според овој предлог, останува уставното име, напишано на кирилско писмо. На земјите кои го признале уставното име на Република Македонија би им се сугерирало, но без задолжение, да го користат новото. Придавката македонски без ограничувања ќе можат да ја употребуваат и двете земји.
Државниот врв вчера попладне продолжи да се консултира и со претставниците на помалите парламентарни партии. (С. К. Д.)
**
МАНУ: Предлогот во основа прифатлив
Претседателството на МАНУ, во проширен состав со поранешните претседатели на МАНУ, го поддржа последниот предлог на медијаторот Метју Нимиц за името.
"Предлогот претставува прифатлива основа за постигнување согласност со Република Грција затоа што го поддржува уставното име на Република Македонија и ја афирмира македонската национална самобитност", се вели во соопштението на МАНУ. Академиците тврдат дека предлогот е компромис на македонската страна, но истовремено не ја преминува црвената линија. "Прифаќањето на овој Предлог не налага промени на Уставот на Република Македонија за уставното име на државата и на македонскиот национален идентитет", смета МАНУ.
Според нив, важно е што е предвидено слободно и неексклузивно користење на атрибутот "македонски", во национална, етничка, јазична, културна и друга смисла. Новопредложеното меѓународно име "Република Македонија (Скопје)", за меѓународна службена употреба, не е негација на уставното име", тврдат академиците.
"Со прифаќање на ова меѓународно име, ќе се надмине апсурдноста на досегашната привремена референца (ПЈРМ). Отфрлањето на овој предлог може да има крајно негативни консеквенции за Македонија", велат тие. Во МАНУ се зажгрижени дека земјата нема да може да ја користи самостојно скратено име Македонија, но сугерираат македонија да ги предолжи преговиоте до Самитот на НАТо во Букурешт. "Надлежните органи треба што побрзо да ги усогласат ставовите на нашата преговарачка страна и со нив да го запознаат медијаторот на овие преговори", препорачуваат академиците. Н.С.
***
САД: Македонија и Грција да најдат прифатливо решение
Официјален Вашингтон завчера повторно ги повика Македонија и Грција да го искористат напорниот ангажман на медијаторот Метју Нимиц и да постигнат заемно прифатливо решение за името.
"Медијаторот Нимиц работеше напорно на предлогот којшто требаше да им го достави на двете страни. Тој има добра волја и ние се надеваме дека двете страни ќе соработуваат со него со добра волја за изнаоѓање решение за ова тешко, емоционално прашање", изјави портпаролот на Стејт департментот Шон Мек Кормак, на редовна прес - конференција во четвртокот во Вашингтон.
Одговарајќи на прашање дали има американска иницијатива како да се реши прашањето, портпаролот Мек Кормак посочи дека ангажманот на потсекретарот Даниел Фрид и на амбасадорката во НАТО Викторија Нуланд е обид да се придвижи процесот напред. "Но, ова е процес воден од медијаторот Нимиц и ние целосно ги поддржуваме неговите напори", рече Мек Кормак.
------------------
Атина разочарана од најновиот предлог
Министерката Дора Бакојани изјави дека предлогот на Метју Нимиц е далеку од целите на Грција
Атина - „Република Македонија (Скопје)“ е името што медијаторот Метју Нимиц го предложил на вчерашната рунда македонско-грчки преговори во седиштето на ОН во Њујорк, објавија вчера медиумите во Грција
„Предлогот на Нимиц е конечен, а кум се САД. Нимиц јасно им кажал на двете страни дека „крштавањето“ треба да се случи пред самитот на НАТО во Букурешт, пишува „Та неа“.
Но, според министерка за надворешни работи, Дора Бакојани, новиот предлог на Метју Нимиц е далеку од целите на Грција. Шефицата на грчката дипломатија ја даде изјавата по седница на владина комисија на која информирала за предлогот за името на Македонија од специјалниот посредник на ОН. Според неа, предлогот на Метју Нимиц не е конечен и додаде дека нема конечни решенија.
„Преговорите ќе продолжат. За новиот развој ќе го информирам претседателот на републиката и лидерите на партиите во следните 24 часа. Ако нема заемно прифатливо решение за името, Грција не може да се согласи на партнерски односи со Скопје“, изјавила Бакојани одговарајќи индиректно на прашањето за ставање вето на самитот во Букурешт.
„Првиот заклучок е дека сме далеку од заемно прифатливо решение. Напорите продолжуваат. Ние го разгледуваме тој предлог“, изјави портпаролот на грчкото МНР, Јоргос Комуцакос.
Весникот „Катимерини“, повикувајќи се на одговорот на грчката министерка за надворешни работи, Дора Бакојани, на изјавата на македонскиот премиер Никола Груевски дека грчкото вето за приемот на Македонија во НАТО ќе доведе до прекин на преговорите за името, коментира дека ваквите изјави не помагаат, туку „де факто“ предвреме ги осудуваат на неуспех залагањата за изнаоѓање решение за спорот.
„Елефтерос типос“ пишува дека новиот предлог на медијаторот Нимиц предвидува Скопје да си го задржи уставното име, но за меѓународна употреба и во контактите со Грција државата да прифати да се именува како „Република Македонија (Скопје)“.
Според грчкото Радио Скај, предлогот на посредникот на ОН предвидува името „Република Македонија (Скопје)“ да биде испишано на кирилица.
За дневниот весник „Етнос“ предлогот е „изненадувачки“ и дека тоа е „предизвик“ од страна на САД и на Нимиц со оцена дека тој оцртува нова реалност во водените преговори.
Атинскиот весник „Метро“ гледа на предложеното име како на можност за компромис, имајќи предвид дека содржи географска одредница. (МИА)
-----------
Бучковски за предлогот, Груевски бара подетална анализа
Коле Чашуле
10.10.2005
Владата и официјално соопшти - најновиот предлог на медијаторот Метју Нимиц е позитивен за Македонија и тој е добра основа за решавање на спорот со Грција.
Премиерот Бучковски изјави - дека и покрај тоа што предлогот е добар, државниот врв има одредени забелешки кои ќе му бидат испратени до нашиот амбасадор во Њујорк, кои треба да му ги пренесе на Нимиц.
„На денешната средба на релевантните политички партии од опозицијата, која беше организирана кај претседателот Бранко Црвенковски, беа презентирани аргументите на Владата, но беа сослушани и сугестиите кои ги даваа опозиционите партии“, изјави Владо Бучковски, претседател на Влада на Република Македонија.
„Забелешките кои ги дадоа опозиционите партии ќе бидат вградени во инструкциите кои ќе ги пренесе Министерството за надворешни работи“, додаде Бучковски.
Но државниот врв не успеа да обезбеди политички консензус од поголемите партии. И покрај пет часовната жестока дискусија, Црвенковски и Бучковски не можеа да го убедат лидерот на ВМРО-ДПМНЕ Груевски, да даде безусловна подршка.
За Груевски, предлогот на Нимиц имал одредени нејаснотии за кои ни самата Влада немала одговор. Тој и порача да не избрзува во соопштувањето на државниот став.
„Владата ќе направи грешка доколку избрза со одговорот, без претходно детално да направи анализа за она што ни е понудено и да изврши пошироки консултации. Навистина не знам зошто толку се брза, имајќи во предвид дека Грција веќе го одби предлогот“, рече Никола Груевски, претседател на ВМРО-ДПМНЕ.
Според него, со овој предлог Македонија прави нови отстапки, односно се напушта двојната формула и се воведува нова тројна. Така што Груевски смета, дека позитивен одговор сега во ситуација кога Грција веќе го одби предлогот, може да биде штетен.
ВМРО-Народна се согласува со владиниот став, дека во основа предлог е добар.
„Предлогот на Нимиц има поедини точки за кои треба посериозно да се продискутира“, вели Весна Јаневска, в.д. претседател на ВМРО-Народна.
Инаку, официјално никој не ја соопштува вистинската содржина на предлогот.
Според неофицијалните информации, во основа тој значи - Република Македонија за внатрешна употреба и билатерални односи со земјите кои веќе не признале под уставното име, за Грција, Република Македонија - Скопје, Republika Makedonija напишано на латиница во меѓународни институции и ОН.
---------------
For fair use only.
NB: Neka sluzhi ovaa niza (topic thread) povekje kako zbirka za informacii i podatoci povrzani so temata otklku za raspravii (ushte pomalku od tipot prazni i nadvor od temata!).
Comment