Антонио Милошоски: Македонското лоби во А
Антонио Милошоски: Македонското лоби во А
Македонското лоби во Америка
Антонио Милошоски
МПО денес е најсилната македонска лоби-група во САД, која може да отвори врати на многу сенатори и конгресмени, и тоа треба да се искористи
"Македонија 3.000 години била и е Грчка, како што впрочем било и останува да биде грчко населението што денес живее во северната грчка покраина Македонија". Вака приближно завршуваше Резолуцијата усвоена кон крајот на август 2002 од страна на Сенатот на Калифорнија, спонзорирана од силното грчко лоби во САД. И не само во Калифорнија, туку идентични резолуции беа усвоени уште во 13 сојузни држави. Во основата на целата оваа кампања лежи спорот за името "Македонија". Целта на Грците беше тројна: прво да се убеди американската политичка јавност дека единствено грчката северна покраина смее да го носи името Македонија; второ, дека меѓу тамошното население, освен Грци, не постојат припадници на други етнички малцинства, и трето, да се подобрат преговарачките позиции на Грција со тоа што владите во Скопје и во Вашингтон уште еднаш ќе бидат потсетени на моќта на грчкото лоби во Америка. Нашата дипломатија беше затечена, Македонците во Америка, како и јавноста тука, беа испровоцирани, и сў се сведуваше на поединечни пост фестум реакции. Изгледавме разочарани и немоќни.
Две години подоцна (јуни, 2004), по предлог на демократот господин Лу Кореа, калифорнискиот Сенат едногласно усвои друга Резолуција во која се употребува нашето уставно име и, меѓу другото, се вели: "Сенатот на Калифорнија го поддржува правото на Македонците што живеат на Балканот да го зборуваат нивниот јазик, да посетуваат училишта на нивниот јазик, да ги остваруваат нивните обичаи, да се нарекуваат себеси Македонци и да ги добијат сите граѓански и човечки права наложени според меѓународното право". Оваа Резолуција не само што ја анулира претходната антимакедонска резолуција, туку предизвика и аплаузи во Македонија, будејќи ја љубопитноста на јавноста за тоа кои се луѓето што успеале да излобираат конкретна подршка за правата на Македонците. Затоа, оваа колумна ја посветувам токму на активистите на Македонската патриотска организација, д-р Георгиев, г-ѓа Ваноф-Зајак и г-н Ацев, кои со упорност, со посветеност и со љубов кон татковината на нивните предци успеаја да направат едно големо дело за Македонија.
Д-р Георги Георгиев е втора генерација македонски Американец, роден 1931 год. Неговиот татко Иван Георгиев, роден 1900 година во Воден (Егејска Македонија), на 15-годишна возраст се разделува од своите и емигрира за Америка по Балканските војни, заедно со својот стрико. Таму покрај што работи, студира и музичко училиште (виолина) и се вработува во симфонискиот оркестар во Индианаполис. Тогаш ја запознава и својата идна сопруга, Пандора Мирчева Георгиева, ќерка на Коста Мирчев од Прилеп, доселен во Америка во 1912 година. Настрана од печалбарскиот живот, спомените за Македонија, за роднините во Прилеп и во Воден, за празниците и обичаите се секојдневје во семејството на Георгиеви. "Не ретко", си спомнува д-р Георгиев, "кога ќе ни дојдеа гости, татко ми ќе ја земеше виолината и ќе засвиреше стари народни песни од Воденско и Прилепско, кои сите заедно ги пеевме". Денес д-р Георгиев има своја стоматолошка ординација во Санта Ана (Калифорнија), каде што и живее со сопругата и трите деца.
Г-ѓа Александра Ваноф-Зајак има потекло од Егејска Македонија. Нејзините родители, Методија и Фима, се родени во с.Баница, Леринско (во 1926 со преименувано во Веви). Бидејќи сите оние што не се декларирале за Грци тешко наоѓале работа, Методија, во потрага по подобар живот емигрира за Америка во 1930, каде што отворил свој ресторан. По една година, му се придружува и сопругата со новородениот син Никола, а во Америка им се раѓаат уште четири деца, Борис, Венка, Нада и Александра. Далеку од родното место, животот на семејството Ваноф не бил лесен, но станал горчлив со лошите вести за граѓанската војна во Грција кога, бегајќи пред грчките владини трупи, многу нивни роднини од с.Баница се иселуваат во Канада, Австралија и Македонија. Таа драма низ која минуваат нивните родители најсилно ја доживува синот Никола. Подоцна, сега покојниот Ник(ола) Ваноф станува продуцент во Холивуд и го снима филмот "Елени" (1985) - филм во кој се опишува судбината на дете-бегалец и на неговата мајка, филм од кој насолзуваат очите. Грчките власти не дозволуваат сцени од филмот да се снимаат во Леринско, па тој е сниман во Шпанија, а во главната улога е Џон Малкович. Г-ѓа Ваноф-Зајак, има две ќерки и живее во Калифорнија, каде што со сопругот имаат свој бизнис за рекламни фотографии. Покрај тоа, таа е и член на Централниот комитет на МПО. Досега била еднаш во Баница и еднаш во Скопје за да си ги види своите роднини и за да ја види Македонија, земјата за која цело детство слушала од своите родители.
Предците на господин Јордан Ацев, кој денес има своја адвокатска канцеларија во Санта Ана, доаѓаат од Прилепско. По таткова линија во Америка прв се доселил прадедо му Лазо Ацев, кој го напуштил родното село Ореовец во 1904 година. Во Америка, во 1921 емигрирал и неговиот прадедо по мајчина линија, Глигор Јорданов (од прилепската фамилија Икономови). Како и неговите родители, така и Јордан Ацев пораснал во градот Стилтон (Пенсилванија), кој поинаку се вика и мал Прилеп, затоа што има многу прилепчани, затоа што црквата, како и прилипската стара црква, го носи името "Свето Благовештение" и затоа што за Водици, исто како и во Македонија, прилепчаните од Стилтон се фрлаат по крстот во студената река. "Моите родители и дедовци ме научија да се гордеам со нашите македонски обичаи и култура", со задоволство истакнува господин Ацев, кој се надева дека оваа есен прв пат ќе дојде во Прилеп каде што "МПО - Браќа Миладинови" од Калифорнија сака да донира една компјутерска лабораторија за градската гимназија. Женет е и има три деца.
МПО, чиј слоган од основањето до денес е "Македонија на Македонците", е најстарата организација на иселениците од Македонија. Формирана е во 1922 година во Форт Вејн (Индиана) од претставниците на околу 60.000 доселеници (меѓу кои и многу "Илинденци") кои во голем бран ја напуштаат Македонија помеѓу 1903 и 1906 и 1912 и 1915 година подради немаштијата и жестокостите на кои е подложено македонското население по задушувањето на востанието и по поделбата на Македонија. Денес МПО е една современа лоби-организација со разграноци низ цела Америка и Канада, предводена од третата генерација на македонски Американци. Тоа се луѓе кои можеби само еднаш ја посетиле Македонија, тоа се луѓе кои најчесто потекнуваат од Костурско, Воденско, Битолско, Леринско, Прилепско, Охридско, тоа се луѓе кои можеби знаат само неколку збора на македонски, но сепак, се што знаат, знаат за Македонија. За разлика од нивните прадедовци кои во Америка дошле со по три гроша во џебот и кои ги работеле најтешките физички работи, нивните потомци денес се угледни адвокати, лекари, инженери, бизнисмени или државни службеници. Нивниот живот и нивниот статус се разликува како ден од ноќ, од положбата во која биле нивните предци. Но, во едно сепак се исти - во љубовта кон Македонија и во желбата да и се помогне. Затоа МПО денес е најсилната македонска лоби-група во САД, која може да отвори врати на многу сенатори и конгресмени, и тоа треба да се искористи. Тоа што сме мала земја со мала дијаспора треба да биде само причина повеќе да бидеме единствени и да ги надминеме сите меѓусебни недоразбирања кога станува збор за интересите на Македонија.
(Авторот е докторант по политички науки во "Дуисбург", Германија)
-------------------------
Да провериме што продава МПО преку нивната
МПО Продавница - MPO Store:
http://www.macedonian.org/
Welcome to the Macedonian Patriotic Organization Store. Please choose a category.
2009 Convention Tickets
Macedonian Tribune Archives
Books & Pamphlets
Maps and Posters
Photographs
Embroidered Shirts
Shirts
Да кликниме на
Books & Pamphlets и резултат е следниов:
Books & Pamphlets
# Cultural Topics in English
Bulgarian Americans/The People of North America Series
1990
# Historical Topics in English
Macedonia
MPO/1932 10 copies of a monthly magazine published to explain to world leaders of the plight of Macedonia
The Other Balkan Wars
Reprint of 1913 Carnegie Report of the Balkan Wars
The Ethnic Minorities in Macedonia Under Serbian & Greek Domination
Sofia/1924
The Macedonian Slavs, Their National Character & Struggle
MPO/1927
Balkans Locarno and the Macedonian Question
MPO/1928
-----------------
Pretty sure the above books/literature will be mostly about ethnic "Bulgarians" of Macedonia but Macedonians as separate ethnic/national entity will not feature very much, if at all. That is how the the REAL MPO (and the Bugaromani in Mk) look like when the MASK is taken off! The likes of Antonio Miloshoski and Co. have identical agendas to MPO when it comes to Macedonia and Macedonians, to cut off the ethno-historic roots of Macedonians and substitute them with Turko-Mongol (Bulgar) ones!
----------------
# Historical & Cultural in English & Cyrillic
Macedonia Illustrated
Price: $103.00
Committee for the Study of Bulgarian Lands; Sofia/1919
Macedonian Question and Yugoslavia
Price: $8.00
MPO 1971 An interview by a Croatian with Ivan Mihailoff
Primer
Price: $8.00
(Bulgarian Bukvar); MPO
MACEDONIAN TRIBUNE of 9/20/90
Price: $8.00
Commemorative Issue on Ivan Mihailoff's death
# Cultural Topics in Cyrillic
Bulgarski Narodni Pesni Collected by Bratia Miladinovi
Price: $23.00
1861 reprint
# Historical Topics in Cyrillic
Ilinden 1903-1927
1927/Sofia [Collection in Memory of the Great Macedonian Uprising]
Kak Pisheha Nashite Buditeli I Geroi
MPO/1956 What our heroes wrote